សិង្ហបុរី៖ ប្រទេសសិង្ហបុរីនៅថ្ងៃទី ២០ ខែឧសភា បានរាយការណ៍ពីការរកឃើញករណីឆ្លងកូវីដ-១៩ថ្មីចំនួន ២៧នាក់ ក្នុងនោះមាន ២១ករណីជាការពាក់ព័ន្ធនឹងការចម្លងបន្តជាមួយអ្នករកឃើញកន្លងមក ហើយអ្វីដែលជាការព្រួយបារម្ភគឺការរកឃើញអ្នកឆ្លងដែលគ្មានខ្សែបណ្តាញចំនួន ៦ករណីផងដែរ។ នេះបើយោងតាមរបាយការណ៍របស់ក្រសួងសុខាភិបាលសិង្ហបុរី។
ក្នុងនោះ ក្រៅពីការរកឃើញករណីឆ្លងក្នុងស្រុក សិង្ហបុរីក៏មាននូវចំនួនអ្នកឆ្លង ១៤នាក់ផ្សេងទៀតដែលជាអ្នកដំណើរមកពីក្រៅប្រទេស ដែលនាំឱ្យលទ្ធផលសរុបនៃករណីឆ្លងថ្មីនៅថ្ងៃព្រហស្បតិ៍នេះ មានសរុបចំនួន ៤១ករណី។
គិតត្រឹមថ្ងៃទី ២០ ខែឧសភានេះ សិង្ហបុរីមានអ្នកឆ្លងកូវីដ-១៩ សរុប ៦១,៧៣០នាក់ អ្នកជាសះស្បើយសរុប ៦១,១៨៣នាក់ និងមានអ្នកស្លាប់ចំនួន ៣១នាក់៕
ព័ត៌មានជាច្រើនទៀតសម្រាប់អ្នក
